Bon Biní
Sentro Barbulètè ta un espasio fásil aksesibel kaminda partisipante por traha riba stabilidat, resilensia i desaroyo personal den nan propio tèmpo. Rekuperashon ta para sentral i no e diagnóstiko. Nos no ta un instansia di kuido, pero un luga kaminda tur hende ta igual, kaminda kresementu ta sentral i ku ta stimulá kada hende pa kue e direkshon ku ta hiba na felisidat.
Sera konosí ku nos Team
Nos di Sentro Barbulètè ta kere ku tur hende tin balor i meresé pa wòrdu komprondí. P’esei nos no ta mira solamente problema, pero hende tras di e historia. Nos ta primintí pa ta un team di konfiansa, kaminda rèspèt, empatía i dedikashon ta sentral.
Yuda abo no ta solamente nos trabou, e ta nos pashon. E satisfakshon ku nos ta sinti ora nos por hasi diferensia den bida di otro hende, ta motiva nos tur dia pa sigui krese, no solamente profeshonal, pero tambe komo persona.
Konsultor
Fyona Anastatia
Sra. Anastatia ta un di nos konsultante. E ta un persona dinámiko, habrí pa skucha i hopi inspirativo. E ta amabel i ta kla pa yuda.
Konsultor
Johnelitz Seraus
Sra. Seraus tambe ta nos konsultante. E ta un persona amabel i ku hopi empatía. E gusta duna konseho i sosten pa otro hende por sinti nan mes miho.
Unda nos ta situá?
Sentro Barbulètè ta situá na e edifisio bieu di Klinika Capriles. Nos ta habrí di Djaluna pa Djabièrnè di 9or te 4or di atardi. No mester sita pa bini, drenta libremente. Korda bini ku un kurason i mente habrí.
Servisio
Nos t'ei pa sirbi tur partisipante ku amor i rèspèt. Nos ke mira progreso den tur partisipante su bida.
Seshonnan den grupo
Diskushon nan fasilitá ku ta promové konekshon entre partisipante nan.
Seshonnan One-on-One
Seshonnan individual ku e konsultante di bo preferensia.
Espasio Sigur
Un lugá konfortabel i sigur ku bo por ta bo mes.
Siña manehá situashonnan difísil
Sosten personalisá ku ta dirigí riba enfrentamentu di retonan individual i stimulá kresementu.
Aktividat i Workshops kreativo
Seshonnan interaktivo ku ta promové ekspreshon propio via di arte i kreatividat.
Meta
Nos ke krea e ambiente kaminda tur partisipante por haña nan balansa mental, stabilidat i resiliensia den un espasio liber i sigur.
Simulá proseso di rekuperashon personal.
Duna espasio sigur pa konta bo historia den konfiansa.
Yuda bo (re)deskubrí bo kapasidat i talento.
Hasi komunidat konsiente.
Kresementu, empoderamentu i kòntròl.
